Início · Tantum ergo / Veneremos

Tantum ergo / Veneremos

TomC

Capo

SeuTomTom Cseutom.com.br/musica/1d7483de-0786-4036-b29a-21fd87a2039a/tantum-ergo-veneremos

1. Pange, lingua, gloriósi / córporis mystérium,

sanguinísque pretiósi, / quem in mundi prétium

fructus ventris generósi / rex effúdit géntium.

2. Nobis datus, nobis natus / ex intácta Vírgine

et in mundo conversátus, / sparso verbi sémine,

sui moras incolátus / miro clausit órdine.

3.In suprémae nocte coenae / recúmbens cum frátribus,

observáta lege plene / cibis in legálibus,

cibum turbae duodénae / se dat suis mánibus.

4. Verbum caro panem verum / verbo carnem éfficit,

fitque sánguis Christi merum; / et, si sensus déficit,

ad firmándum cor sincérum / sola fides súfficit.

5. Tántum ergo sacraméntum / venerémur cérnui:

et antíquum documéntum / nóvo cédat rítui:

praéstet fídes suppleméntum / sénsuum deféctui.

6. Genitóri Genitóque / laus et jubilátio,

sálus, hónor, vírtus quoque / sit et benedíctio;

procedénti ab utróque / cómpar sit laudátio. Amen.

Cifra enviada pela comunidade. Os direitos da obra pertencem ao autor e à editora. Pedir correção ou retirada.